مـالـهـذا الـحـزن آخـر

[بـقـايـا روح]

بسم الله الرحمن الرحيم

السلام عليكم ورحمة الله وبركاته
































ــــــــــــــــــــــــــــــــ


دعوها هكذا

[بـقـايـا روح]

بين صمتي وإنكســـــآري وآلخضوع
بين نزف آلجرح وإحسـآس آلمطيـع

آنكسر قلبـي وآنآ دربـي قطـوع
شفت وقتي يذبح آلصمت ويضيـع

قمت آدرجهآ علـى درب آلرجـوع
قلت في نفسي يجيب آلله ربيـع

[بـقـايـا روح]

مليت غربة و لا ملتني مسافاتي
أطوي دروبي و أشوف الوقت يطويني

أبكي سؤالٍ ذبحني صار مأساتي
من وقف الحلم في قلبي وفي عيني

[بـقـايـا روح]

يا ليتهم يوم اذبحوا كفنوني
تناهبوني مـا تركوا حاجتن فيّ

ذبَّاحتي ما قصَّـروا قطَّعوني
الله وكيلك يأكلون اللـحم نيّ

[بـقـايـا روح]

يگفي آني من آلبدآوه تعلمت
آن آلرگوع لـ غير ربي مذله

[بـقـايـا روح]

البارحـه نومي(مُجمّع)كوابيـس
حسبي عليها ياكثر ما ازعجتني
أقوم واقعد واتعوّذ مـن ابليـس
لكن صراحه ياسعـود ارهقتنـي
ومن عقبها زادت علي الهواجيس
نوم الفلس نومي بَعَد ماغزتنـي

[بـقـايـا روح]

حتى ضروفي صار ماعندها وقت
إلى متى وأنا أنتظرها تسامح

تِبين في وجهي وأدنق ليا ضقت
ياليتني لا ضقت مالي ملامح

[بـقـايـا روح]

ياطفلتي جفنْ التعب مابعد نام
مل ْ السهر ألحاح عيني ورجائي

صبي مساء الخير في كأس الأحلام
وخليني أثملّ مابقى من مسائي

[بـقـايـا روح]

حزينْ أدري ضايقْ أدري ولكنْ
حاولْ تكسّر حِصْن الأحزان حاولْ

وأن شفت وجه البيدْ بالحيل داكنْ
أصنع من أحساسك لبِيدك جداولْ

وإن ضاقت بروحكْ جميع الأماكن ْ
أنسج من خيوط الهموم التفاؤل

[بـقـايـا روح]

حزينْ أدري ضايقْ أدري ولكنْ
حاولْ تكسّر حِصْن الأحزان حاولْ

وأن شفت وجه البيدْ بالحيل داكنْ
أصنع من أحساسك لبِيدك جداولْ

وإن ضاقت بروحكْ جميع الأماكن ْ
أنسج من خيوط الهموم التفاؤل

[بـقـايـا روح]

دربي طويل وتايهٍ فيـه ممشـاي
مثل الغريب اللي مضيـع دليلـه

يحدني وقتي على ضيـم دنيـاي
ورضيت بالمقسوم حتـى قليلـه

[بـقـايـا روح]

طبعي كذآ حتى في جرحي أكآبر
قلبي ملك و جروح قلبي ممآليك

[بـقـايـا روح]

نضحك نبي نلطف الجو تلطيـف
والهم ساكن فالضلـوع النحيلـه

نجحـد عبايرنـا دون الملاقيـف
ونخشى حكي اهل النفوس الذليله

ولابد من يومٍ تـزول المشاعيـف
والهـم يرحـل والسعـاده بديلـه

وهذي تدابيره عليـم التصاريـف
الواحد اللـي كلنـا نلتجـي لـه

[بـقـايـا روح]

مليت اطيع الوقت والوقت ماطاع
ومن دنيتي طعم المسرات منزوع

خف يازمن يكفي من العمر ماضاع
وخل السعاده تضوي في دنيتي شموع

[بـقـايـا روح]

شفْني ألملم خيبتي وابْذِر الحلمْ
يمكن تِطيح الذاكرة بـ اصْدقائي

ياقلّهم لامن يناوشني الهم
ويا كثرهم وقت العطش في سمائي

[بـقـايـا روح]

اتوب وخطي وآخذ شوي وتوب
ويبقى الندم ما بين نفسي وبيني

عبدٍ ضعيف وكلّي آثام وذنوب
يالله على درب الصلاح اتهديني

[بـقـايـا روح]

اللي تكونَ الحيآة أقصـىَ مدى " مجدَه "
.............. ألهآه وقتـَه وضآع بوَسط دوّامه !
مسكين ! مآيدريَ إن " الدمع " فالسجَده
.............. يَبري همومَ الزمآن | ويرفَع الهآمه !

[بـقـايـا روح]

من ليـلـة البـآرح حـآإبـسـني الضـيـق
عسـى صبآح اليـوم يطـلق سرآحي

[بـقـايـا روح]

المستريح اللى من العقل خالى
ما هـو بلجـات الهواجيـس غطـاس

[بـقـايـا روح]

ياوحدتـي أنتـي الوفـيّـه بـ دنـيـاي
ماغيرك اللـي لا بغيتـه لقيتـه

برسـم علـى وجـه المقابيـل ذكـراي
وخبيني إن طال الفراق وبكيتـه

[بـقـايـا روح]

تـرى الهــدوء بـ طعنـة الشخــص له دور
فـي طـول مـدة صحيــته وانهيــاره

[بـقـايـا روح]

قم غنّ
لـ جروح الزمان العطايب
و .. لا عاد تسألني على كل من غاب
و إن عنّت الذكرى وهبّت هبايب
سكّر درايشها ترى
" الشوق غلاّب "

[بـقـايـا روح]

من أَتعبه صمت الجفآ لآ ينآدي
أصعب شعور إن قيل صوت الغلآ خآب

وْ القلب الأبيض ب الزمآن الرمآدي
يشبه ضيآع الحق في وقت كذآب

[بـقـايـا روح]

يا عايش بـ اللّو واللّيت خسران
دنياك ما تسوى حسايف زللها
يروح عمرك بين لو كان ما كان
والعمر ساعه ما تساوي عذلها

[بـقـايـا روح]

مآإ يتبعَ هروج السفيه بَ ذمتي غير السفيه
يعني على رآي المثل آعمى يقُود إمّعَه

[بـقـايـا روح]

مـآل السعـآدة دآخل القلبّ مطرح
همٍ وحزٍنُ وصدورنآ مستضيقهً

[بـقـايـا روح]

أبي القسى مليت من كثر الإحساس
دايم يجي واحد ويشكي وانا أبكي

ودايم أخبّي ضيق صدري عن الناس
والناس ما ترحم ليا جات تشكـي

[بـقـايـا روح]

اللي بـ قلبي يـنقرى فـ الملامح

ويبان في عيني ونبرة كلامي

وأغض طرفي وأتناسى و أسامح
ولا كل زلة في محيط أهتمامي

[بـقـايـا روح]

وتنِآمْ وتصّحيِ معَي أرَبعْ جرُوحْ
البُعدّ والحِرمآنْ والرآبِعْ الشُوقْ ..!


والثَآلثْ اللّي رآحْ معْ روُحتكْ روُحْ
كآنتْ تعَّلّىِ فيّ سِمآ حُبنآ فُوقْ ..!

[بـقـايـا روح]

ياصوت حلمي مالقيت الاجابـه
في صوت الايام الشحيحه و منفاي

من ونة جروحي تحـس الكتابـه
لانامت بعين القلم عين شكـواي

ياما العطش فيني بكى للسحابـه
وياما رميت اللي بصدري بجـواي

[بـقـايـا روح]

إذا الجرح أنخلق لإنسان
أنا إنسان أنخلق لجرآآآح

وإذا الأحزآآآن لأبن أدم
أنا ابن ادم لأحزاني

[بـقـايـا روح]

وأرقى سنود العـز والرجل حافـي
درب رسمه أبوي بالطيـب مشيـوف
لبست به ثـوبٍ مـن العـز ضافـي
عزيَ لمن يكنى همومه علـى الجـوف

[بـقـايـا روح]

يآ قَلب | و آنت - العَنَآ - خآوآك من صغرك
هدّ الغرآبيل . . من صدرك , و حرّرهآ
مَدَآم عيبك / صفآك و طيبك و طهرك
لآ تدخل بْ معركه ؛ دآم آنت خآسرهآ
خَلّ الهَوَى كلمة ٍ . . متصدّره شطرك
و خَلّ المحبَّه لَـ آهلهآ . . لآ تخآشرهآ

[بـقـايـا روح]

يارب وصلني مواطين الآمـال
و انزل على قلبي هدوء و سكينــه
و زح عني همومٍ على قلبي ثقـال
ماخاب من يرفع لوجهك يدينــه

[بـقـايـا روح]

حي السهر مادام نومـي كوابيـس
وحي الخيال إليا أصبح الواقع أوهام
من يوم أبونا آدم همس بأذنه إبليس
وحنا نشيل هموم وذنـوب وآثـام
حنا بشر دم ومشاعـر وأحاسيـس
كل الفوارق بيننـا بصمـة إبهـام

[بـقـايـا روح]

فكري شتات .. ونظرتي تحكي الجرح
وقلبي حزين .. ومظهري مثل ما كان
فترة .. يعيش الصبر .. بالجمع والطرح
وفترة .. على صدر الورق .. ما له الوان
وآخر بقايا الحرف.. في موجز الشرح
كنّي .. سراب الحزن .. في هيئة انسان

[بـقـايـا روح]

أمـد كف الروح لـ .. مصافح الهـم
حق ٍ علي أفرح و أقلــُط ضيوفي
لو إن ضيفي جلسته فالحشى سِم
عيب ٍ علي أقصر بـ / مَـدة كفوفي

[بـقـايـا روح]

توي فهمت الرخص من دون تبرير
وتوي فهمت الظرف ومعنى جلاده
ياحيف ياوقتن مضى بالمعــــــاذير
مسموح بديوني ولا أرضى سداده
يلي كسرت القلب ومعاكس السير
عرفت قلبك وش مــــناه ومراده
فتحت بابي ناوين منه أطــــــــير
ثم جيتني بحلو الحكي والسعاده
وعدتني يالحر ماأشوف تنفير
وشليت حالي ودمعتي بالوساده

[بـقـايـا روح]

والله حظي بَـ المصايب ( غمرني )
مشكُور مأ إ قصرت يَاحظ وتمون

ولو صار عندكُ وقت , بالله زرني
هذا إذا ماني مع ( الرمل ) مدفون

[بـقـايـا روح]

مامرني ..!
من صبح الامال .. طاري
ولا بينّت.. في وجه الاحلام .. بسمه .!

أسقيت من دمعي.. غصون إنتظاري
وياما .. شحذت رياح الافراج .. نسمه .!

[بـقـايـا روح]

أصبح وأنا كني على نار نايم
وأنام وضلوعي بصدري لها صوت
ويروح يومي كني اليوم صايم
عن الكلام الزين والضحك والقوت

[بـقـايـا روح]

الطّيب ماهو عزّ في كلّ الاحيان
الطيب في بعض المواقف مذلّه !

لا صرت دايم تاخذ الطيب عنوان
يجيك من هو بالردّى يستغلّـه

[بـقـايـا روح]

اقبلت مثل اللي يبشر بمولود
واقفيت مثل اللي يعزي بغالي

[بـقـايـا روح]

هذآ زمن مآبه من العآطفه شي
شوه مفآهيم الغرآم ودفنهـآ

فيه الهوى لعبه مثل شربة الميّ
والروح مآتدري من اللي سكنهـآ

السآلفه بـ المختصـر كلهـآ هي
حنآ مشآعر ضآيعه عن وطنهآ

[بـقـايـا روح]

مريت بالذكرى حنين الأماكن
أدور لجرح الزمن , من يداويه
ذابت ملامحهم مع الوقت ما كنْ
صدورنا ستر وغطا للمشاريه
أصحاب وجهي فيهم الخير لكن
محتاج صحبة قلب لا طاحت وجيه

[بـقـايـا روح]

يا صاحبي .. دام المشاعر.. نشيطه !
لا يبدر التقصير .. ( منك و مني )
تباً و سحقاً لـ ( الظروف المحيطه )
مهما قست.. ما خيّب الوقت ظني

[بـقـايـا روح]

ليـ متى يذبح مشاعرنا ظما
ليـ متى يسـرق تلاقينا زمن

[بـقـايـا روح]

مالي علـى طـرد المقفّيـن شفّـي
من راح جعل الله يسمّـح خطاويـه
يارجل صـدي عـن دروبـه ولفّـي
وش لك بدربٍ مقفـيٍ عنـك راعيـه

[بـقـايـا روح]

أثبت لكم / أكبر دليل أن الزمن جآحد !
و أن المفآهيم \ عند النآس مختلطه !

أفعآلنآ الصح [ يلغيهآ ] غلط وآحد
و أفعآلنآ الصح مآ تلغي ولآ [ غلطه ]

[بـقـايـا روح]

يامـا قضينـا عمرنـا بالمعـاذير
وياما الهوى فك النفـوس وسجنهـا

نجرح بعضنـا والعـذر فالمقاديـر
ونعيش لأجل النـاس ونمـوت منهـا

وايامنا اللـي كانـت بوقتنـا غيـر
شابـت ولا مـــــر الحــــنيـن وسكنهـا

[بـقـايـا روح]

دامه زمن عقرب وحيه وتمساح
خل الأسود تنام ماهو زمنها

[بـقـايـا روح]

ودى اعيش بوسط رجــم ٍ خـلاوي
في منزل ٍ تضحي به الشمس شرقا
يمرني سـرب الحمـام امتخـاوي
واحس روحي كـل مـا طار ترقـا

[بـقـايـا روح]

مآهمّني لو بآقي العمر صدمآت
مآتوجع الضّربه محآديب ميّت

[بـقـايـا روح]

جّــرح الفراق اللي سكن في خفوقي
ما ضمده كثرة حضورك على البال

[بـقـايـا روح]

يا ملتهي بغيري من الناس غلطان
ماني لاهل الوجهين سمح وراضي

ما ترتوي عينك بك الجوف عطشان
دامك تعيش بوقت لاهي و فاضي

قلبي فلا اذله ولا اظن ينهان
بكف عن باقي العطا باحتفاظي

[بـقـايـا روح]

الضيق ماهـو فـالاوادم طبيعـه
والآدمي لاضاق { تغنيه } لابـاس

واللي يضيق خاطرك فـي صنيعـه
حاول تمثل كن ماعندك إحسـاس


واللي يبيعـك ماهـو لازم تبيعـه
لازم تكون انت الذهب دامه انحاس

[بـقـايـا روح]

ضيقات صدري كثيره مالها صرفه
من كثرها ماعرفت شلون أبحكيها

أشياء تبات منها النفس منقرفـه
ياكثر ماحطمت نفسـي وأمانيهـا

[بـقـايـا روح]

كنّ الزمن من جفاه مكشّر أنيابه
أنا أشهد أن الليالي لا نونّ بكّن

[بـقـايـا روح]

يفزّ له قلبي كما فزّة الطير

و الرجل كن اللي تحتها غدرها

يا صبح عمري يا صباح التباشير

نوره ملا قلبي و روحي غمرها

عقب الفراق اللي تعدّى المحاذير

يبّس غصون القلب جافي دهرها

ربّع بـروحي عقب ماهي معاسير

سحابة(ن) هلّت بقلبي مطرها

و اسقَى بها زرعة هوانا بتقدير

غرسة غرام(ن) بالمحبه بذرها

يا عاذلين العين والله مخاسير

و اللي درَى عن حال عيني عذرها

[بـقـايـا روح]

أجلس على شط المشاعر والاقيك
موجٍ يداعب رمل الاحزان فيني

وتجلس هنا جنبي من البرد اغطيك
وافرش لك جفوني وتسكن بـ عيني

[بـقـايـا روح]

لاواهني منهو جهل طبع الايام
يجهل عناها جاهل في غثاها

ماحار فكره في زمانه ولاحام
داخل فؤاده علة كم خفاها !

((ياقلب لاتحزن )) على مر الاعوام
ولايتعبك ماضي السنين وعناها

انسى المصاعب واجعل الفكر قدام
بد الليالي تسعدك في ضياها

خل الدموع وخل تفتيش الآلام
يمكن مع الايام تلقى دواها !؟

[بـقـايـا روح]

http://www.a7tajk.com/up/uploads/images/a7tajk-0dbcbffbd8.png




كل أرض تشيلك ياثقيل الحمول ..
وكل وقت كريم بالرضا والزعل

وين مارحت تلقى لك حبيب وعذول ..
وين ماكنت تلقى مثل ياسك أمل

ياطريق الترجي والوله والنحول ..
والله إني مشيتك لين حد الثمل

لا تظن المسافر من يسوق الرحول ..

من وقف دون حلمه عاجز ما رحل
وما لمخلوق منجا في الحذر والجفول ..

ماتصيب السهام ولا يطيش الأجل
الليالي خوات مير منهي البتول ..

والحوادث عشاير مير وين الفحل
اتذكر في عين الشمس طفل خجول ..

شالته في هدبها وقت لين اشتعل
أعجب الناس وهجه بالجدل والفضول ..

مادروا عن جمال الجرح لين إندمل
إن لثمت الزهور وصاحبتني الحقول ..

ماهقيت إن صافي الشهد عيب النحل
إن تعبنا نحب ولا لقينا قبول ..

ماتسر الأماني ولا يفيد العذل
مابقى في ضلوعي كود ريح معمول ..

لكن الله كريم .. وكل هم يزول ..
ماعلى الله بعيد .. ولو جفاك المحل

[بـقـايـا روح]

مايسر البآل ويزيد انشرآحه
غير طاعه من خلق فالجسم روح

والبعـــد عمآ يسد النفس رآحه
في كـــــلآم الجد ولا في مزوح

لآزم الشدة يجي معها سماحه
كآن تقدر للجزآء خلك سمــــــوح

مايغثك غير من فـــيهم وقآحه
لآ بلآك الله بهم وانت نصــــــــوح

مايهم القلب لو زادت جرآحه
المهم اش قد تأثير الجـــــروح

لآ يغرك ضحك من يكثر مزآحه
يمكن انه لا ختلى يقعد ينوح

شوف صدري فيه للضيقآت وآحه
رسمهآ بالعين يوضح لك وضـوح

مابقى للهم في قلبي مسآحه
كل جزء فيه بهمومي يفـــــوح

اتصــــــبر واطلب الله الابآحه
واكتم الآهآت ماودي ابــوح

مابغيت افصح واخليها نياحه
بس وقتي دوم بأفرآحي شحوح

كل صدر فيه للأحزآن ساحه
غير ساحات المسرة والفـــروح

بس بعض الناس بإسلوبه بجآحه
دايما تلقاه في هرجه لحـــــوح

أكثر العالم تضيق من الصرآحه
بس ضيقة وقت ماتبطي تــــروح

لا جلس وحده صفق رآحه برآحه
وأيقن ان العلم مايبغى شـــــروح

في بحور الشعر يازين السبآحه
ومن خيوله ماحلى عسف الجموح

[بـقـايـا روح]

على شبابيك الحزن والمواويل
أرتل الذكرى ويخشع لها إحساس

يملا فضا حلمي فراشات واكليل
وأتمتم آمالي على شفاه يبّاس

وأحضن بقايا أوراق واحتاج تأويل
للواقع اللي سلّم أحلامي الياس

[بـقـايـا روح]

ماخذيت من السفر ياكود زود الضيقه
ضيقتي دايم بصدري .. رايحٍ ومعّود

صرت طيراً ماجداه الاكثـر تحليقـه
مايوّقع غير لامن الفضا بـه سّـود

انقل حمول العذاب اللي عجزت آطيقه
ويل قلبي من حمولٍ كل يـوم تـزوّد

آتعلق بالصبـر.. ياشينهـا تعليقـه
والسنين اقفت وقلبي بالصبر متجّود

[بـقـايـا روح]

لو هو غضب بيحت ما ضم جوفي
من الغثا واظهرت عقب االعقل جهل

ولو هو الم ما طال عندك وقوفي
ولا جيت أبا اسمع قصة الذيب والحمل

ولو هو ندم كسرت .. باقي سيوفي
على دروب الوصل ومفارق الشمل

صوت العظام اللي تكسر حروفي
مابه كلامٍ تنطقه شفتي سهل

إن جيت امش الدمع تبكي كفوفي
وإن جيت أقول الشهد يوذيني النحل

الحمل ماهو اللي تشيله كتوفي
الموت لا صارت كتوفي هي الحمل

[بـقـايـا روح]

وقتي ..!
فقير و حكايا الصبح تملاني
؛ و الجرح شرّع شبابكيه و بيبانه .!



يمرني العمر مكره و يتعداني
؛ و يملني الليل لين تضيق جدرانه .!


صمتي ..!
شرحه البكي \ و الحزن غناني
؛ اشعل ذنوب الحنين و مّل غفرانه .!


كنت أبذرالشمس في كفي و ألقاني
؛ على جناح السما و اختار لي خانه .!


كنا نطرّز ثباب الموعد الثاني
؛ كان الأمل طفلنا و نقّبل أجفانه .!


تبت ..!




يدين الغيّاب اللي تحداني
؛ عيا ينام انتظاري و الوفا خانه .!

[بـقـايـا روح]

ياشين جوّي هم وعج وعواصيف
مثل السجين اللـي بليـا ثوابـت

قضا حياته بيـن هـم وتكاليـف
والناس لاراحت مع الناس جابـت

أعلوم وأخبار وكـلام وسواليـف
واللي بلا هيبه مع الوقـت هابـت

خلوني أشرّف في روس المشاريف
أعيوني الثنتيـن شافـت وشابـت

لو ينفع المجروح كثر التحاسيـف
ماكان جرحي داخل القلـب نابـت

[بـقـايـا روح]

الحياه أصناف وأنواع وصفات
رحلتن ماهي على حسب الطلب

طاعة الله مع رسوله والصلات
واهني اللي حفظهن واكتسب

والله إنه ماعلى الدنيــا حلات
لونبت في عشب أراضيها ذهــــب

اختبارن للنفوس العاصيات
ومن غرق بذنوبها يعني رسب

في حياتي أسأل الله الثبات
وفي مماتي يغفر الله ما كتب

[بـقـايـا روح]

لو كآنت همومه مع آلوقت وآجد
آلمبتلىَ : ربي يعينه بـ صبرَه

!دعوَه لِ رب آلكون لآ صار سآجد
كفيله بدفن آلحزن وسط قبرَه !

[بـقـايـا روح]

لي ضلوع أوقات تصبح من حطب
والعيون أحيان ماتبكي تنوح

ضقت في كل الوسيعة والرحب
ما التفت الا وقدامي صروح

هذا حالي للفرح ابغى سبب
وين ماوديت همي مايروح

[بـقـايـا روح]

ياضيق صدري ويل قلبي من الضيق
العيـن تبكـي والحنايـا نحايـف

لاقمت اهوجس شهقة الموت بالريق
أحس عمري راودتـه النكايـف

ولا جيت اميز فرحتي للمخاليـق
أمسن دموعي من سواتي نزايـف !

[بـقـايـا روح]

هم يساورني على غفلة الناس
وهم صداه بداخل القلب ضيقه

هذي همومي دقت بقلبي أجراس
شبت همومي وسط قلبي حريقه

[بـقـايـا روح]

أخـاوي الـليل وهـاجس لـيل يـخاويني
يـمك سـرابي داعـي الـذكرى بـحاليها

أقـضـي بـدنـيا لـعيني شـوفها مـشيني
إلـى مـتى عـيني عـلى شـوفك تـمنيها

[بـقـايـا روح]

السهر يلحق سهر .. / والهوى بحر وجليد
برد وأحسآس جمآد .. / والمشآعر ميته
لو سوالف دمعتي ../ غيرت لون القصيد
لامرآحب بالقصيد .. ولاهلا في جيته
صآحبي آقرا الكتآبه .. وافهم المعنى وعيد
كل حرف لك كوآني | آه موجع كيته
( الخبر نفس الخبر ) | مآطرى علم جديد
قلبي بآقي ع الوعد .. وأنتظآري فيـّته

[بـقـايـا روح]

مادام قلبك مشرك(ن) بالمحبّة
اليوم لازم تؤمن بصد وفراق
اللي يخون احبابه..الهجر طبّه
وش فايدت حب(ن) على غير ميثاق

[بـقـايـا روح]

مادام قلبك مشرك(ن) بالمحبّة
اليوم لازم تؤمن بصد وفراق
اللي يخون احبابه..الهجر طبّه
وش فايدت حب(ن) على غير ميثاق

[بـقـايـا روح]

غبتي وضاقت بي زوايا المدينه
لين أصبحت عندي سجن ما له أبواب
أنا سجين الهم وأنتي سجينه
في دار من لا يعرف إحساس الأحباب
مدري متى تنزل عليه السكينه
وإلا يغيب غياب ما بعده غياب
اللي سعى لإغراق ذيك السفينه
واغرق على الساحل من الدمع ركاب
عقب الفرح خلا المشاعر حزينه
هذا هو اللي ما حسبنا له حساب

[بـقـايـا روح]

حاولت انام ولا تهياء لي النوم
النوم والهاجوس ماهم ولايف
ماتستريح العين والبال مهموم
لايستقر الحال والقلب خايـف

[بـقـايـا روح]

الله عـطـى الـرجـل تفكـيـر وإحساس
يعـرف اسلـوم النـاس ويعـرف أدبهـا
مــن لا يفـكـر قـبــل الإقـــدام يـنـحـاس
يــبــي رسـنـهــا ويـتـخـطــف ذنـبــهــا
الطيـب ما حاشـه مـن النـاس هــلاس
يصعـب علـى اللـي حسبتـه ما حسبهـا
ما للردي في مجلـس الطيـب مجـلاس
الجِـرب تـعـدي بالـجـرب مــن قربـهـا

[بـقـايـا روح]

أطوي الجديلة في كفوفي .. وهي ليل
ولا من طويت اليل .. صار الجديله
حلمٍ جمعني فيك .. ما كان بالحيل
حلمٍ ولكن .. شوفتي لك قليله
ناديت لك لين إسمعتني المواصيل
واشتقت لك .. كن العمر صار ليله
ولمستك بروحي .. وكانت قناديل
أصابعي .. والقلب نار.. وفتيله
ما هو غريب .. أبتل من جارف السيل
لا شك ينبت في عروقي خميله

[بـقـايـا روح]

وش حــيلة اللي قابــض الجـمـر بيـده
صــبـــر كثــير وتــالـــي الصبـــر خـــــلاه

وشــح الزمــان ولا حــصـل مايــريـــده
واقفــى وهــو من حيــرته عــاف دنيـــاه

كنــه سجيــنٍ مـل شـــوف الحــديـده
يــبي الخــلاص ولا لــقى شخــص ينـخاه

غــير الجــدار اللـــي يـدون قصيــده
هو الوحــيد اللـــي لياضــــاق يلقـــــــــاه

[بـقـايـا روح]

حبيت آسـجل على بيـض المـوآجـع .. حـضــور
لو مآلي من آلحـضور : آلآ .. آلتـعب/ و آلـعـنآ !

[بـقـايـا روح]

البـارحه والنوم مـاقـآرب العين
وإلهم والتفكير ثبت مكــانه

يزورني هااجوس حزني ملايـين
مدري قشآاره حـــظ ولا ميانه

الضيق شي مايفـآرقـني ليــن
يذن علـى الفجر واسـمع اذانه

[بـقـايـا روح]

أضمى وكلي ديم ويجف خاطر
وينبت على باب المدى حزن الأمطار

أسأل عليك الناس في صمت فاجر
وصرخة عيوني بيحت كل الأسرار

كنَ الشهور دهور والوقت كافر
وكن المدينة قبر وعيوني أسوار

[بـقـايـا روح]

نزعل ونرضى والزمن مابعد ضاق
يعني زعلنا بالزمن من رضانــــــا

ونضحك ودمع اجراحنا بين الاحداق
يعني تشابه ضحكنا مع بكــــــانــــا

[بـقـايـا روح]

غريب ضيّق خاطره جمّعة أغراب
وحيد لو ضاع العمر ما دروبه
كم حلم ليلة سكر بوجهه الباب
وبانت على وجه الليالي ندوبه
العام كان بصحبته قلب وأحباب
واليوم مع جور الزمان إغدروبه
ماهو بلاقي للغدر عذر وأسباب
ذبلان ودموعه حكت عن شحوبه
يبكي على جرحٍ له سنين ما طاب
حتى أمتلى من صافي الدمع ثوبه
يشكي من صدوف الليالي والأقراب
اللي عثوبه نوبةٍ بأثر نوبه
يكسب من أيامه تنهايد وعتاب
ويبيع ضحكات الشمال لـ جنوبه

[بـقـايـا روح]

أدلّه البال بيـنالضيـق والشـدّه
الوقت دوّار .. والأعمار محـدوده

لو كل واحد يجـي ودّه علـى ودّه
ماطال صبر العقيم لشوف مولوده

راعي القناعه ليا من الزمـن حـدّه
يرضى بحظ ٍ ذخر جوده وماجـوده

يابيض الأحلام لاتمسين مسـودّه
بشايرك في نواصي الخيـر معقـوده

[بـقـايـا روح]

لقيت بوحدتي سلوى تعلمني الصبر والصوم
عن الحظ السخيف اللي تحديته و تحدانـــي

[بـقـايـا روح]

تمضي ليال العمر والسـد مكنـون
اجحد صوابـي والسنيـن ارمسنـا
أخفيه ماودي بـه النـاس يـدرون
وراعي الهوى مجـروح مايرجهنـا
واسهر بليلـي والخلايـق ينامـون
واكتب بدمعـي والشعـر كـل فنـا
والصبح حالي فيه من دون فـي دون
ينحاانـي الهاجـوس منـا ومـنـا
لـو لا الرجـا بالله قـوي ومضمـون
لمـوت مـن هـم حملتـه مثـنـا
ميتة قهر والا ترى الموت مسنـون
علـم ثبـت مافيـه هقـوة وضنـا

[بـقـايـا روح]

جتني ظروف للكدر مستعده
قامت تحدد لي الاحزان ميعاد

مرة مع حظي ومرات ضده
واليا تكدر خاطر القلب تزداد

في دنية خلقت على الناس نده
مردودها للخير تجرح واجهاد

[بـقـايـا روح]

آللي بقى كلمة ٍ في فـمّ نسيآنـي
تكبر مع آلوقت في صدري وتخقني
ملّيت منهآ وملّت صوتي ألحآنـي
ملّيت قيدي و ملّ القيد يحرقنـي
كلّ آلمسآفـآت تنهينـي و تبدآنـي
وحيد فيهـآ من ظـلال ٍ يرآفقنـي
وحيد حتّى من أنفـآسي من لـسـآني
في مفترق حزن مـآ يبغى يفرّقنـي
آنــآ كتآب ٍ كتبته صآر يقرآني
متى يبي ينتهي منّي و يغلقنـي

[بـقـايـا روح]

لو الأماني طيور وكـل مطمـع فضـا
تزاحم اسراب امانــّيي بفضـا مطمعـي

ولو ان مال البنادم في حياتـه قضـا
فصلت ثوب الحياه وجات طوع اصبعي

[بـقـايـا روح]

الشعر دمعٍ لا ذكرتك ذرفته
ياللّي عيوني دوم لأجلك غريقة

[بـقـايـا روح]

هنآِ لقـيتَك والسسوآليفِ آبيآتَ ،
. . . . . . . . . وهنآ تركتِك مع خطآياكِ عآديِ !

بسكآت جيتِك لكنَ ،/ آقفييت بـ سكآت
. . . . . . . . . مبـِطي واناِ طبعيِ مع النآسس هآدي ، ,

[بـقـايـا روح]

آلظّآهِر آنّ آلنآس فِي قلبْ المَوآجِع [ مُبدِعَه ]
وآلظّآهِر آني صِرتْ ممنْ لآ يُطِيقْ ولآ يُطآَقْ

[بـقـايـا روح]

نشوة رضا .. رشفة وهم .. نكهة أحزان
احساس مدري وش أسميه ~ جانـي ~


من كثر ما أحس إني مع احساسي انسان
أحس ان احساسي [ ..انسان ثانـي ..]

[بـقـايـا روح]

للموت درب..وسكرة غيابك..عذاب
وأنا في برزخ..أستلذك ..مغفرة

وأستوحشك ذكرى..لها فالصدر باب
يفضح خفوقي..كل ما جيت استره

أحزن وتحزن من بعد حزني اشناب
كأن الدموع أموات..وعيني مقبرة

يا قبح وجه الحزن فحضور الغياب
أقبح من الرجّال..لا شابه مرَة

[بـقـايـا روح]

لي عَبْرَةٍ يلَعِبَ بها الحَزَن والٍتِيه
وَلِيَ صَرْخَةٍ وأَتْعَبَت أَبْلَقى لَهَا فَم

[بـقـايـا روح]

الناس تكره عذاب الحزن وتمله؟
وأنا أتحلى عذابي وأعشق أحزاني

ماني خطوا هبيل معجبه ظله!
يسري به الحلم في تيهات الأزماني

أعرف طريق الهوى والحب وأدله
وأخشى من العيب وأحفظ هرجة لساني

[بـقـايـا روح]

تسمعون الصمت بإحساس الرهيـن
لا غدا ليل السهر شوق و تعـب

الغنا في صدري الضامـي أنيـن
أكتب الأبيات وأحسبها طـرب

ليلة ٍ مَـدَّت عناهـا والثميـن
في أمل بكرة يعود اللـي ذهـب

أحسب الأيـام مـع مثلـي تليـن
ما دريت إن الزمن يا هـو صعـب

يا سمّي الروح والليلـة لميـن ؟
لا سمعت بصوتي الضايـع طلـب

عدّها لا مـرّت الذكـرى بحيـن
دام نور الحب من فتـرة غـرب

رَعْشَةْ اِحْرُوف وبقايا من سنيـن
رَمْدّت من عقب ما الدنيا حطـب

والله إنّي يوم سولفـت الحنيـن
أنتبهت بحرفي الطالـع عتـب

آآآه يَكثـر الأمـل بالغايبيـن
والأمل نفس الألم بس بتعب

[بـقـايـا روح]

وبي عبرةٍ منها المخاليق تهتال
ياعبرتي لا تفضحيني عشاني!!

ياعبرتي خلي لك الصدر منزال
لاهوب بك داري.. ولاهوب عاني

[بـقـايـا روح]

لا تسأليني كان فالقلب .. حسره
يا كثر حسرات الزمن في خفوقي

فالعين .. دمع .. وبخر ّ الدمع ّ جمره
لا جيت برقد .. هزّ نومي .. وافوقي

إنسان .. بيّح سد ّ .. واعطاك .. عمره
هذا انا .؟ ياللي نسفتي .. شعوري

[بـقـايـا روح]

من بادي الحزن..لين آخر محطاته
لو تكشف القلب تلقى للحزن مجرى

حتى كتاب العمر غلـًفت صفحاتـه
واهديتها شخص لا يكتب ولا يقرى

تعال ذكر خفوقـي كيف ضحكاتـه
ماكل ليلة تـجي يا صاحـبي قمرى

[بـقـايـا روح]

كل ما اسمع كيف حالك ينقبض جفني علا
دمعة تبغى تقول الحال دمع ومهزله

وأبلع العـبرة واقول بخير والهم انجلى
وآخر الهرج اتلعثم فيه وانقض أوله

[بـقـايـا روح]

الحب مثل النوم .. والوصل .. الاحلام..
.. واشيين من الاحلام..صـد المحبييـن

نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن

وانا رقدت وعمري اربع عشـر عـام ..
.. وصحيت في شهر اربعه عام الالفيـن

نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن

صحّى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن

ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟

بعد ما شاف العـش عيـدان وعظـام ..
.. خاالي..تفكر فووق ويسـاار.. ويميـن

خلا عشاها فيه ومـن الوطـى شـاام ..
.. زبن علـى روحـه وفـل الجناحيـن

[بـقـايـا روح]

أكبر خطأ لـ الشخص / يصبح مثالي
مابين ناسٍ تنكر الطيب و الود

يآآ كثرهم ! و اليوم شفني لـ حالي
يآآ كثرها صدمات وقتي بلاآ حدّ

راحوا ورحت / ولآ بقـآ فـي خيالي
إلاّ سوالف .. نصفها ملعنة جد

[بـقـايـا روح]

سهر .. قلة منام .. وخاطري ضايق ’
عرفت ان ’ التعب ’ لاجا معاه اعصاب منشده

أناظر مالقيت الا.. بقايا احلامي توايق
ورا باب الأمل والحظ جاها يركض وسده ..!

ملل..!
حتى كرهت البوح وماني للحكي طايق
صرت اللي شرى له ثوب لبسه وماطلع قده

[بـقـايـا روح]

أحيان أقول .. أن الزمن خاين .. وناسه طيـّـبين ..!
وأحيان .. أقول أن البشر ... تظلم ... وهو طيّـب معي

ياصاحبي .. تذكر هذاك .. اللي هويته من سنين
البارحة .. كان السبب .. في حزن عيني .. ومدمعي

ياصاحبي ماقلت لك .. في هـ الزمن .. الله يعين
واللي تحبه .. لـ الأسف .. يسعى .. على جرحك سعي

أنا .. وقلبي من زمن .. بـ اللي نشوفه ضايعين
أحيان من زود القهر .. أحسّ ... ماعندي [ وعي ]

لكن على الله ياجروحي .. والزمن لازم .. يزين
خلّك .. هنا .. ياصاحبي .. وإلا .. تعال أرحل معي

[بـقـايـا روح]

الوَقتْ علٌمني بَعد مآتضآيَقٌت
آهلْ الهِروج آشُوم باالنَفٌس عنهآ

فآرَقتْ نآس تشٌتكيْ ميلَة الوَقت
ورَافَقٌت نآس يشٌكيْ الوَقٌت منهآْ

[بـقـايـا روح]

يا هاجسـي والعمـر يطـوي بنـا طـيّ
غـنّ البيـوت وهاتهـا مـن بطـاهـا

للشعـر موقـف يلـوي العاطفـه لـيّ
لـو انّهـا تعصـى علـى مـن دعاهـا

وللشعـر بلسـم يدفـع الهـم والسـيّ
عـن القلـوب اللـي كدرهـا غشاهـا

فـي سكـة الأطـلال غنّيـت يـا خـيّ
عسى العيون تصـون مخـزون ماهـا

[بـقـايـا روح]

مثل [ الشجر ] وقّفت , وأصحابي ’ أوراق
لكن .. خريفي له نظر .. ما { يغضّه } .!


طاحوا كبار ، وطاحوا .. أشخاص : أخلاق !!
حتى " الذهب " فيهم قَلَبْ , صار ؟ , فضّه


( ندمت ) وبدّلت الوصل - ياما بـ < فراق >
وصبع الندم ؟ [ قلبي ] .. له سنين عضّه


آخر طعوني .. صاحب ؟ بفرحتي | ضاق !
- هذا ، وإسمه " صاحبي " طآح حظّه

[بـقـايـا روح]

مابين صدري والمقابر علاقـات
بالاسم والمعنى ودفـن الضحيـه
الفرق بن المقبره تحضن امـوات
ونا دفنت اشياء باالصـدر حيـه
ودفنت في صدري غرابيل وأهات
واسرار نفسٍ من زمنهـا شقيـه

[بـقـايـا روح]

وقفت اطالع بالاماكن حزينه
استرجع الذكرى وانا داخلي ضــو

اسوق من عندي بشاير ثمينه
للي يعلمني بهم كانهم جـــو

[بـقـايـا روح]

ياقلب لا تشرهـ على بعض الكلام
ماكل خَلق الله مع الدرب السوي
وإن ما حصل لك خوّهـ الناس الكرام
أحسن لك تعيش الحياة بلا خوي

[بـقـايـا روح]

أنا الغريـب اللـي همومـه زهابـه
أنا العليل اللي مـن الهـم مافـاق
كثرت علي ألـوان همـي وعذابـه
همٍ يجي وهمٍ على القلـب ينسـاق
ضاقت ضلوعي وضيق الصدر مابه
وسالت دموع العين من فوق الاوراق

[بـقـايـا روح]

مآ عآد لي قلبٍ ضلوعـي تضمـه
وش كثر رآح من آلشقآ وش بقآ كم

آللي رضع من ثدي آلأيـآم همـه
يموت قلبه مآ تعآفـى مـن آلهـم

[بـقـايـا روح]

من العام ظنوا بي وظنوا وظنوا
وأنا على نية بياضي من العام

[بـقـايـا روح]

أمس ضقت ورحت أقلب ذكرياتي وانتهيت
عند صورة طفل صوته مثل صوتي لاانجرحت

[بـقـايـا روح]

اضحك وفيني للمواجع مقابر
ابكي وضحكي ذنب والدمع تكفير
اكتب ودمعي صار حبر المحابر
و يخون في صدري للأوجاع تعبير

[بـقـايـا روح]

الصَمت تنهَيدة المجَروح قبَل الكَلآم
بعضَه رضَآ وأغَلبه تفكَير مآله مَدى

من يتقَنه يسترَيح مَن العتَب والمَلآم
مَآدآم نصَف الكَلآم الليْ نقَوله سَدى

[بـقـايـا روح]

دام الهدب شرّع لك الباب سمّـي
يالعبره اللي ملحها يجرح العين

وان ذلني دمـع ٍ مسحته بكمي
ياكم تذل المخدجه فرخ شاهين

[بـقـايـا روح]

اصعب سؤال اواجهه وين ما اروح
به ينبني قصر للاحلام .. ويطيح
الصدفة اللي ساقت الروح للروح
وش منتهاها بالقلوب المجاريح

[بـقـايـا روح]

هِنآ لـ آلصمتٍ صوتٍ و حضنٍ و آنفآسٍ و عيون و روحٍ
.... هِنآ لـ آلحگيٌ نبضٍ وجل / هِنآ لـ آلصدر [ تنهيدَه ]

هِنآ يآحضرة آلگرسيُ تموت قلوبٍ .. تحيآ جروحٍ !
.... ولآتبرح مگآنگ لو يعيد آلحزن بگ عيدَه

[بـقـايـا روح]

فيني جنون الغيم لاصافح الغيم
فيني هدوء الريح قبل العواصف

[بـقـايـا روح]

يآ صغر هـ ’ الدنيآ بـ / عيني وأنآ آصيح !
ويآ گبر هـ ’ الدنيآ .. بـ / عين الشمآتهـ

مآ مر في بآلي من سنين تجريح ’’
گثر الطعون اللي طعنها بذآتهـ

من بعد مآگنت أترگ رضاي لـ ’ الريح !
هبّ الهبوب وطيرّ أصغر فتآتهـ

بـ ’ الأمس گان عتآب الأحبآب تلميح
واليوم گل ٍ مستريح بـ ’ حيآتهـ !

[بـقـايـا روح]

ماني من اللي يرخص النفس لاضاق
ولاني من اللي يرخص اليوم غالي


سبحان ربي كرم النفس بأخلاق
الطيب عمي ... ومصدر الجود خالي

واللي يبيني يمه ...الروح له تنساق
واللي سلاني ... عنه القلب سالي

[بـقـايـا روح]

أحلامنآ وينها يـا حضـرة الساعـي .؟
طاحت ملامح حضورك مـن ليالينـا !.

لوٌك تركت .( الرضى فعيوننا واعي ) . ؟
أهوَن من إنا ننام ... ومـا تصحينـا !.

ما ادري هي أحلامنا اللي مالها داعي .؟
ولاٌالحزن حالـف إنـه مـا يخلينـا !

[بـقـايـا روح]

ودي ( افضفض ) بس وين التعابير
ودي أعبر بس وين المعاني ..؟

حاولت أبرر ( صمتي ) بأي تبرير
وعجزت ابرر صمتي اللي غشاني

[بـقـايـا روح]

يـ الحزن لو مآنيْ من الليْ مصلّين
و أخشَع لـ ربّي و أتعوّذ من إبليس

كآن انفجَر مآبين صدريْ برآكين
و أصبح ضحيّه لـ العنآ و الهوآجيس

[بـقـايـا روح]

إن قلت زانت خالف الوقت ظنّـي
وان قلت هانت عاجلتني بـلاوي

أجامـل ايـامـي ولا جاملـنّـي
هامت بي الدنيا هيـام الخـلاوي

[بـقـايـا روح]

سولف ماكل صمت من ذهب
كم عزيز راح من صمته ذليل

[بـقـايـا روح]

إنْ طحـِـِت من طـّـوليْ فـِ أنآ طحـّـت مـِـِن عـّل
وأقـِـِوم أنآ رغـَـَم { الألـِـِم ] وإرتطـَـَـآميْ . . !

طيحـِـِه عزيزْ القــَـَـَوم ، والله مهـّـي ذلْ
لاتجـِـِـِزعين مِـِن الكسَـَـر يـآ /عظـَـَـآمي

[بـقـايـا روح]

عن كل نجم ظهر بسدل أجفاني
لعل ما عيش حزني لحظة غروبه

وعن كل خلٍِ طويل الصمت كفاني
الصاحب اللي قليل الهرج عذروبه

وعن كل ثوبٍ جديد باالبس أكفاني
وأدله ولا ألقى رسايل هم في جيوبه

أنا الجفا ليه أخاف الناس تجفاني
وأنا الحبيب الذي من يعشق عيوبه

راعي الوعد وأن صدق مرة ولاقاني
يحتار بين السراب وقلب محبوبه

يامن عذابه يشققني ويرفاني
فرقاك غصب علي بالحيل مكتوبه

خبرت نصف تعب من نصفه الثاني
بعضي الرماد وبعضي نار مشبوبه

[بـقـايـا روح]

بعض الفرح يا صاحبي .. باطنه هم ..
و بعض الهموم .. أفراح لو هي حزينه

[بـقـايـا روح]

ياما سكت وتركت البوح لعروقـي
اخاف اسولف واخيّب هقوة الهاقـي

اخاف ابوح ويخون الصمت منطوقي
واقول شي يحـث النـاس لفراقـي

[بـقـايـا روح]

رسمـت أحـــلامنا غربـــة على عـــاتق ورق منثــور

وأخذت امن الليالي درس كـــيف أقــــــضي على أحزاني



تـــنفس ياخـــفوق الـــحزن ولا تـــبقى هـــنا مـأسور
كــــفاني هــــمي اللي مــــن ســـنين الـحزن اعياني



تــسابق خــطوتي حــلمي رغـم جرح العنا المشهور
اكــابر ضـــيقــتي والــــبعد جاب الـــهم وانـهانــي

[بـقـايـا روح]

يـَا صاحـَبي ; ~ خـَذها نصيحہ . .

و آنـَآ حـَي . .

قناعـَتي ما هي "مجـَرّد قناعـَاآت . . /

مـَن لا يشوفـَك شـَي ; ?~ شـَوفه و لا شـَي . .

وإقرآ عليـَہ الفاتحـَہ والتحيـَات ..

[بـقـايـا روح]

يسري بنا الليل .. لانادت مواجعنا
ويفرح بنا الهم .. لاماتت امانينا

اغراب .. والحزن فالغربه يجمّعنا
اجساد نمشي .. وتتبعنا خطاوينا

كان الأمل في ظلام الوقت يزرعنا
لين الليالي .. تجي بالياس تجنينا

كنّا نعلّم جروح الوقت توجعنا
والحزن .. كنا نناديه وينادينا .

[بـقـايـا روح]

ياليل عطني مابقى منك واعطيك
خذ الهموم اللي على القلب قامت

يا ليل يا ليل السهر وين ساريك
انا معك سهران والناس نامـت

يا ليل عذبت الضمير بتحديـك
والعين عن نوم المخاليق صامـت

[بـقـايـا روح]

يضيق صدري و أعتزل شوفة الناس
و أقعد أعِدّ كثر إيش وقتي خذلني؟؟



أبذل جميلي بصدق و أعطيه بإحساس
و ودِّي جميع الكووون ضاحك و يغنّي



ما همّني مدحٍ(ن) و لا صابني ياس
و لا بغيتَ أذِلّ أحدٍ(ن) و أَمِنِّ



أنا بشموووخي دوووم مرفوع الرّاس
و لا همّني هرجة حسودٍ(ن) حسدني


يضيق صدري حييييل و الفكر يحتاس
إليا عجزت عن نفع منهو طلبني

[بـقـايـا روح]

ياليل ولّيتني وجْهَه وانا مَقدر
الغيّ وجهك ضلال الروح ترتيبك

[بـقـايـا روح]

إذآ غ’ـبتَ عـِن هـُ / آلدنيـآ‘ ،!
وغ’ـآبتَ شمسيُ وآنطفتَ ،
آذكرونيُ بآلخ’ـيرُ ..
وآدع’ـوليُ بج’ـنآتَ آلنعيـــم

[بـقـايـا روح]

لا عاد تنشد ما بقى عندي علوم
كل العلوم المبطيات تخبرها

ماجيتك اشكي ميلة الوقت مزحوم
نفسي ليا ضاق المدى ما اخسرها

ياصاحبي كنت امس كنت امس محشوم
واليوم هج بجيتك واختصرها

خلك بعيد ابعد من العام واليوم
وادنى من احلام النجوم وقمرها

بعض الكلام اللي تحليه مسموم
وما كل كف صافحتك تغدرها

كم طيب ساقته الاقدار لرخوم
وياكثر ناس تنخدع في صورها

[بـقـايـا روح]

لاتكره آلنـاسّ لو يخطون فـي حقك
آلزلہ آللي تجيـےِ لك صد وانسـَـَاهـّا

ولا تذكر آللي عطيتّ آلناسّ من حقك
سّــو آلجميلھہ لوجھہ آلربّ تلقاهـَا