بدوي برستيج
07-02-2007, 06:59 AM
السلام عليكم ورحمة الله اليوم بنزل قصيدة الاطلال اخر ماكتبته وحصريا على منتداكم المتواضع واهديها لكل من يحب ذائقة الشعر ولكل من جرب الفراق ولكل من طارت احلامه لايخفيكم سعادة كل انسان فخلف كل سعاده عظيمه حزن اعظم فلاتغركم الشخصيه التي ينتحلها (بدوي برستيج) ويمثلها بلسعاده فلكل منا احزانه وافراحه واحلام طارت (ويالي مابعد طارت احلامك جودها)
وقصيده مثل هذي روق واقراها بيت بيت يعني اذا مستعجل فأنصحك لاتقراها<يتشرط
(وجعل الله مايروح من ايديكم حد تحبونه)
يقولون راحت وأنت تبكي على الأطلال
وقفت وعينك ماتهنت بشوفتها
غدت مهرتك ويش تركب اليوم ياخيال
وغيرك خذاها بس ما عرف ركبتها
وذا ليلك أظلم بدر ليلك صار هلال
وهذي نجومك سود الأيام طفتها
وتسأل ولاحد عرف إيش مقصد السؤال
سؤالك غريب وقصتك ياغرابتها
وأنا أقولك ذا الدنيا بها كل يوم(ن) بحال
لكن معي بالذات زادت قساوتها
خذت نور عيني زلزلت خافقي زلزال
وانا ماحسبت إني أتأثر بهزتها
فهاذي جروح القلب تدمى ودمي سال
وهذي عيوني تشكي جور دمعتها
وهذيك شمسي مالت وقربت للزوال
وانا اخاف ذا المره تطول في غيبتها
غدى الجوف من فرقاه صحراء قحل ورمال
وروحه ضمت لأجله الأشواق وماسقتها
وجا القلب يرجي في هجير الضلوع ضلال
ويشكي على روحه ولاشاف علتها
شكى قلبي وروحي شكت ولاضلوع نحال
تحاول توقف صامده في مصيبتها
وغالطت انا الواقع وخدعني الخيال
وغرتني الدنيا وصدقت كذبتها
بنت لي قصور(ن) عاليه واثرها صلصال
وجا واقعي الملعون بيديه فتتها
بكينا على الغالي ونبكي على الآمال
بكينا على من زين الحسن صورتها
لها طرف ناعس مرتوي والرموش اسبال
اذا سلهمت غارت من الرمش كحلتها
الا ناظرت من هده البعد والترحال
يهون عليه التعب عنده عشان نظرتها
عيونه غدت لي لغز ماحله الحلال
رموزه تعقد مافهمنا كتابتها
مدينه وليل(ن) داجي ومعركه ورجال
وبحر(ن) يعانق صخرة السيف ينحتها
وحب وبراءه وانكسار(ن) مع دلال
وشوق وحنين وخوف ماهز هيبتها
بها هرج عقال(ن) يخاشر دلال اطفال
وفيها شموس ويسكن الليل ساحتها
وفيها حزن طفل(ن) شكى جور الاحتلال
مشرد وشاف امه تعذب بموتتها
وفيها فرح عاشق بعد مالهجربه طال
لقا من هواه القلب واشتاق ضمتها
ويسري على شط الكحل طيفي المحتال
يداعب رموش العين في وقت غفوتها
يخاف انتبه له رموش(ن) غدت ذبال
جعلها السهر تذبل وزادت حلاوتها
وشعر(ن) كما ليل اختلف بدة اليال
ظلامه يخلي الرجل تعثر بخطوتها
يلاعب كتوفه كل ماهبته شمال
تطاير وهي ترفعه من فوق جبهتها
وتجمعه باصبعها وهو معلن الاذلال
تلاعب بخصلاته وتلعب بقذلتها
قتيل العيون السود والمبسم القتال
قتيل(ن) من النظره ومن زين ضحكتها
قتيله وقتل الناس ماهو بله حلال
ولكن يهون الموت لي فيه راحتها
غدى القلب مستعمر ولا اعلنت انا النضال
اذا صارت الغازي فمرحب بغزوتها
رفضت التحرر من نفوذه والاستقلال
رضى موطني يصبح تحت ظل دولتها
فرض حول قلبي حظر يمنع التجوال
تعهد حرس الاضلاع تنفيذ خطتها
بعد ما استتب له وصلحت الاحوال
رحل تارك(ن) روحي تعذب بحسرتها
تقول اجمع جنودك وصارع مثل الابطال
ترى ارضك رهينه رجل الانذال داستها
ابي فيك قسوة هتلر وهيمنة حمال
ابي تغزي الدنيا وتملك سيادتها
توجه لكبد الشمس واشرب سراب اللال
وخل الجبال تلين من بعد قسوتها
وكانه قتلك اليأس واصبحت انا محال
فترحل وانا برحل وياشين غربتها
وقفت وانا قفيت يوم انتهى المحال
وذي قصتي موت الامل في نهايتها
وقصيده مثل هذي روق واقراها بيت بيت يعني اذا مستعجل فأنصحك لاتقراها<يتشرط
(وجعل الله مايروح من ايديكم حد تحبونه)
يقولون راحت وأنت تبكي على الأطلال
وقفت وعينك ماتهنت بشوفتها
غدت مهرتك ويش تركب اليوم ياخيال
وغيرك خذاها بس ما عرف ركبتها
وذا ليلك أظلم بدر ليلك صار هلال
وهذي نجومك سود الأيام طفتها
وتسأل ولاحد عرف إيش مقصد السؤال
سؤالك غريب وقصتك ياغرابتها
وأنا أقولك ذا الدنيا بها كل يوم(ن) بحال
لكن معي بالذات زادت قساوتها
خذت نور عيني زلزلت خافقي زلزال
وانا ماحسبت إني أتأثر بهزتها
فهاذي جروح القلب تدمى ودمي سال
وهذي عيوني تشكي جور دمعتها
وهذيك شمسي مالت وقربت للزوال
وانا اخاف ذا المره تطول في غيبتها
غدى الجوف من فرقاه صحراء قحل ورمال
وروحه ضمت لأجله الأشواق وماسقتها
وجا القلب يرجي في هجير الضلوع ضلال
ويشكي على روحه ولاشاف علتها
شكى قلبي وروحي شكت ولاضلوع نحال
تحاول توقف صامده في مصيبتها
وغالطت انا الواقع وخدعني الخيال
وغرتني الدنيا وصدقت كذبتها
بنت لي قصور(ن) عاليه واثرها صلصال
وجا واقعي الملعون بيديه فتتها
بكينا على الغالي ونبكي على الآمال
بكينا على من زين الحسن صورتها
لها طرف ناعس مرتوي والرموش اسبال
اذا سلهمت غارت من الرمش كحلتها
الا ناظرت من هده البعد والترحال
يهون عليه التعب عنده عشان نظرتها
عيونه غدت لي لغز ماحله الحلال
رموزه تعقد مافهمنا كتابتها
مدينه وليل(ن) داجي ومعركه ورجال
وبحر(ن) يعانق صخرة السيف ينحتها
وحب وبراءه وانكسار(ن) مع دلال
وشوق وحنين وخوف ماهز هيبتها
بها هرج عقال(ن) يخاشر دلال اطفال
وفيها شموس ويسكن الليل ساحتها
وفيها حزن طفل(ن) شكى جور الاحتلال
مشرد وشاف امه تعذب بموتتها
وفيها فرح عاشق بعد مالهجربه طال
لقا من هواه القلب واشتاق ضمتها
ويسري على شط الكحل طيفي المحتال
يداعب رموش العين في وقت غفوتها
يخاف انتبه له رموش(ن) غدت ذبال
جعلها السهر تذبل وزادت حلاوتها
وشعر(ن) كما ليل اختلف بدة اليال
ظلامه يخلي الرجل تعثر بخطوتها
يلاعب كتوفه كل ماهبته شمال
تطاير وهي ترفعه من فوق جبهتها
وتجمعه باصبعها وهو معلن الاذلال
تلاعب بخصلاته وتلعب بقذلتها
قتيل العيون السود والمبسم القتال
قتيل(ن) من النظره ومن زين ضحكتها
قتيله وقتل الناس ماهو بله حلال
ولكن يهون الموت لي فيه راحتها
غدى القلب مستعمر ولا اعلنت انا النضال
اذا صارت الغازي فمرحب بغزوتها
رفضت التحرر من نفوذه والاستقلال
رضى موطني يصبح تحت ظل دولتها
فرض حول قلبي حظر يمنع التجوال
تعهد حرس الاضلاع تنفيذ خطتها
بعد ما استتب له وصلحت الاحوال
رحل تارك(ن) روحي تعذب بحسرتها
تقول اجمع جنودك وصارع مثل الابطال
ترى ارضك رهينه رجل الانذال داستها
ابي فيك قسوة هتلر وهيمنة حمال
ابي تغزي الدنيا وتملك سيادتها
توجه لكبد الشمس واشرب سراب اللال
وخل الجبال تلين من بعد قسوتها
وكانه قتلك اليأس واصبحت انا محال
فترحل وانا برحل وياشين غربتها
وقفت وانا قفيت يوم انتهى المحال
وذي قصتي موت الامل في نهايتها